Kamandujučy suchaputnymi siłami NATA ŭ Jeŭropie hienierał Filip Brydłaŭ zajaviŭ, što militaryzacyja aneksavanaha Rasijaj Kryma moža być vykarystana dla ŭstalavańnia rasijskaha kantrolu nad usim basiejnam Čornaha mora.
Vystupajučy ŭ Kijevie, hienierał Brydłaŭ skazaŭ, što vajskovyja abjekty, jakija stvarajucca ŭ Krymie, buduć akazvać upłyŭ na ŭvieś Čarnamorski basiejn.
U sieradu rasijskaje ministerstva abarony zajaviła, što ŭ Krymie raźmieščana 14 źniščalnikaŭ-bambavikoŭ u ramkach eskadrylli ŭ składzie 30 bajavych mašyn, jakija buduć bazavacca na paŭvostravie.
Hetyja samaloty byli pieradysłakavanyja na avijabazu Bielbiek z baz u Krasnadarskim krai.
U aŭtorak hienierał Brydłaŭ zajaviŭ, što na ŭschodzie Ukrainy prysutničaje vialikaja kolkaść rasijskich vajskoŭcaŭ, jakija navučajuć i kansultujuć siły sieparatystaŭ.
