Masiŭnaja soniečnaja plamina, viadomaja jak Aktyŭny Rehijon 12192, znoŭ «naceliłasia» na Ziamlu. Ciapier imaviernaść mocnaha vykidu nadzvyčaj vysokaja, pieradaje Space.com słovy navukoŭca NASA Choli Hiłbiert.
Aktyŭny rehijon 12192 — samaja vialikaja soniečnaja plamina, što śpiecyjalisty nazirali za apošnija 24 hady. Hety rehijon ŭžo znachodziŭsia ź niebiaśpiečnaha dla Ziamli boku Sonca ŭ kastryčniku i na pačatku listapada. Ale tady plamina «mirna spłyła», vykidaŭ karanalnaj masy nie adbyłosia.
Ciapier plamina znoŭ znachodzicca «tvaram da Ziamli». Jana pamienšała ŭ pamierach («usiaho» dziesiać płaniet z našuju Ziamlu ŭ dyjamietry), ale znachodzicca ŭ «hatovym da vykidu» stanie».
«Na hety raz bolšaja imaviernaść vykidaŭ karanalnaj masy, nie hledziačy na toje, što ŭspyška moža być mienšaj», — raspaviała Hiłbiert. Jana tłumačyć, što ŭ rehijonie ŭžo adbylisia šeść uspyšak u kastryčniku-listapadzie, ale jany nie pryviali da vykidaŭ karanalnaj masy.
Ciapier plamina pierajmienavanaja ŭ Aktyŭny rehijon 12209. Kali ŭspyški ŭ hetym rehijonie pryviaduć da vykidu karanalnaj masy, u śniežni Ziamlu moža čakać mahutnaja i praciahłaja mahnitnaja bura.
Mahnitnyja bury mohuć vyklikać niepaładki ŭ kaśmičnych aparatach, pieraboi z suviaźziu, a taksama na zdaroŭje niekatorych ludziej.
Navukoŭcy nie vyklučajuć, što adnojčy moža zdarycca navat nastolki mahutny vykid, što jon pryviadzie da adklučeńnia elektryčnaści ŭ vialikaj častcy Ziamli.
