Alaksandr Łukašenka pavinšavaŭ kalektyŭ vykładčykaŭ i studentaŭ histaryčnaha fakulteta Mahiloŭskaha dziaržaŭnaha ŭniviersiteta imia A.A.Kulašova z 80-hodździem z dnia ŭtvareńnia fakulteta, paviedamlaje pres-słužba kiraŭnika dziaržavy.
«Z asablivaj ciepłynioj i ŭdziačnaściu ja, jak i bolšaść vypusknikoŭ, uspaminaju hady vučoby ŭ našaj alma-matar, jakaja dała nam pucioŭku ŭ samastojnaje žyćcio», — adznačyŭ Alaksandr Łukašenka.
«Upeŭnieny, što tradycyi fakulteta, patryjatyzm i addanaść spravie dapamohuć vam u dalejšym raźvićci navukovych i navučalnych kantaktaŭ, pavyšeńni prestyžu vašaj VNU, daduć mahčymaść z upeŭnienaściu hladzieć u budučyniu», - padkreśliŭ kiraŭnik dziaržavy.
Łukašenka pažadaŭ prafiesarska-vykładčyckamu składu i studentam histaryčnaha fakulteta ŭniviersiteta novych ździajśnieńniaŭ, pośpiechaŭ u pracy i vučobie, ščaścia i dabrabytu.
