Adnym z pryjarytetaŭ Ministerstva ŭnutranych spraŭ Łatvii źjaŭlajecca ŭmacavańnie biaśpieki va ŭschodnich rehijonach krainy, zajaviŭ u intervju partału Delfi ministr unutranych spraŭ Rychard Kazłoŭskis.
Pa słovach Kazłoŭskisa, umacavańnie Palicyi biaśpieki, pavieličeńnie jaje prysutnaści ŭ pamiežnych uschodnich rajonach Łatvii, a taksama asablivaja ŭvaha da pytańnia vydačy časovych vidaŭ na žycharstva —znachodziacca ŭ centry ŭvahi MUS.
«Jasna, što našy zaściarohi vyklikaje ŭschodniaja miaža. Heta kompleksnaja miera: i fizičnaja biaśpieka miažy, i ŭsio, što tyčycca pracy słužbaŭ biaśpieki — raźviedka i kontrraźviedka, analityka i zbor i infarmacyi. U rehijonie treba pavialičyć kolkaść supracoŭnikaŭ Palicyi biaśpieki. U biudžecie heta kanceptualna ŭchvalena. Kančatkovaha rašeńnia pakul niama, ale ja ni ad kaho nie čuŭ, kab heta nie było pryjarytetam», — adznačyŭ Kazłoŭskis.
