Ministerstva adukacyi i navuki Estonii raspracavała prahramu, u adpaviednaści ź jakoj navučańnie paśla zakančeńnia asnoŭnaj škoły stanovicca abaviazkovym až da dasiahnieńnia paŭnalećcia.
Ciapier abaviazkovym źjaŭlajecca tolki atrymańnie asnoŭnaj adukacyi. Kali ž vučniu spaŭniajecca 17 hadoŭ i jon tak i nie zdoleŭ skončyć asnoŭnuju škołu, ustanovy adukacyi bolš nie abaviazanyja trymać jaho ŭ škole.
Letaś udzielnaja vaha ludziej va ŭzroście ad 25 da 64 hadoŭ, jakija nie majuć śpiecyjalnaj adukacyi, skłała ŭ Estonii 29,6%, heta značyć usiaho bolš za 200 000 čałaviek. Prablemaj zastajecca i značny adsieŭ z prafiesijnych vučyliščaŭ, u jakich u siarednim 20% navučencaŭ pierapyniaje svajo navučańnie.
Ministr adukacyi Jaŭhien Asinoŭski miarkuje, što prablemu mahło b źmiakčyć padaŭžeńnie terminu abaviazkovaha školnaha navučańnia. Adnym z varyjantaŭ było b padaŭžeńnie terminu abaviazkovaha navučańnia na adzin hod, heta značyć až da momantu dasiahnieńnia navučencam paŭnalećcia.
Heta značyć, što navučeniec maładziejšy za 18 hadoŭ, jaki skončyŭ asnoŭnuju škołu, pavinien pastupić u prafiesijnaje vučylišča abo ŭ himnaziju.
