Alaksandr Łukašenka pryznačyŭ Andreja Raŭkova ministram abarony. Ab hetym paviedamiła aficyjnaje ahienctva BIEŁTA.
Raniej Andrej Raŭkoŭ z 2012 byŭ kamandujučym vojskami Paŭnočna-Zachodniaha apieratyŭnaha kamandavańnia.
Voś niekatoryja suchija bijahrafičnyja źviestki pra jaho.
Andrej Alaksiejevič Raŭkoŭ naradziŭsia 25 červienia 1967 u vioscy Raviaki Biešankovickaha rajona Viciebskaj vobłaści.
U 1988 skončyŭ z załatym miedalom Maskoŭskaje vyšejšaje ahulnavajskovaje kamandnaje vučylišča. U nastupnyja hady prajšoŭ šlach ad kamandzira ŭzvoda da kamandzira bataljona.
U 1999 hodzie skončyŭ z załatym miedalom kamandna-štabny fakultet Vajennaj akademii Respubliki Biełaruś. Słužbu prachodziŭ na pasadach načalnika štaba i načalnika (kamandzira) bazy zachoŭvańnia ŭzbrajeńnia i techniki.
U 2005 skončyŭ z adznakaj Vajennuju akademiju Hienieralnaha štaba Uzbrojenych Sił Rasijskaj Fiederacyi i byŭ naznačany kamandziram 103-j asobnaj hvardziejskaj mabilnaj bryhady. Z 2006 pa 2012 hod zajmaŭ pasady načalnika apieratyŭnaha adździeła — namieśnika načalnika štaba Zachodniaha apieratyŭnaha kamandavańnia, a taksama načalnika štaba — pieršaha namieśnika kamandujučaha vojskami Paŭnočna-zachodniaha apieratyŭnaha kamandavańnia.
Ukazam Prezidenta Respubliki Biełaruś 16 listapada 2012 naznačany kamandujučym vojskami Paŭnočna-zachodniaha apieratyŭnaha kamandavańnia.
