Lidar Nacyjanalnaha frontu Francyi Maryn Le Pien nazvała niepraŭdzivymi źviestki ab tym, što partyja damahałasia bankaŭskaha kredytu ŭ pamiery 40 młn jeŭra. Pra taki pamier pazyki, što nibyta atrymany arhanizacyjaj ad Pieršaha Češska-Rasijskaha banka paviedamiŭ na dniach francuzski infarmacyjny sajt Mediapart.
«Padobnyja zajavy ab pamiery kredytu ŭ €40 młn jeŭra — heta niejkaja fantastyka, heta prosta žach», — zajaviła ŭ suviazi z hetym u čaćvier Maryn Le Pien ahienctvu Frans Pres. «Nikoli i havorki nie viałosia pra toje, kab sprabavać atrymać €40 młn jeŭra. My nakiroŭvali zapyt na €9 młn jeŭra, — jakija my ŭ dalejšym i atrymali», — dadała Maryn Le Pien.
U toj ža čas Le Pien pryznała, što na praviadzieńnie pieradvybarnych kampanij pierad kantanalnymi i rehijanalnymi vybarami sapraŭdy patrabujecca finansavańnie ŭ pamiery 30 młn jeŭra.
