kommersant.ru
Pres-sakratar prezidenta Rasii Dźmitryj Piaskoŭ raskryŭ detali telefonnaj razmovy Uładzimira Pucina i ŭkrainskaha lidara Piatra Parašenki. U pryvatnaści, jon nazvaŭ infarmacyju pra pahrozy ŭ adras Parašenki z boku Pucina vydumkaj.
Piaskoŭ raspavioŭ, što telefonnaja razmova adbyłasia pa inicyjatyvie ŭkrainskaha boku ŭviečary 26 listapada. Pavodle jaho słoŭ, havorka išła pra dvuchbakovyja adnosiny, a taksama situacyju na paŭdniovym uschodzie Ukrainy.
Kamientujučy paviedamleńni ŚMI ab tym, što Pucin nibyta pahražaŭ Parašenku, Piaskoŭ zajaviŭ, što heta vydumka. «Roznyja paviedamleńni šerahu ŚMI, pierš za ŭsio ŭkrainskich, pra źmiest razmovy źjaŭlajucca vydumkaj i nie adpaviadajuć rečaisnaści», — adznačyŭ jon.
U šerahu vydańniaŭ źjaviłasia infarmacyja ab tym, što ŭ chodzie telefonnaj razmovy Pucin pahražaŭ Parašenku. Paviedamlałasia taksama, što kiraŭniki dziaržaŭ nibyta abmiarkoŭvali pytańni adnosin Ukrainy z NATA. Paźniej ukrainski bok abvierh hetuju infarmacyju.
