Handal naftaj marki Brent ŭ čaćvier, 27 listapada, idzie sa źnižeńniem indykatyŭnaj cany. Pra heta śviedčyć brytanskaja sistema adlustravańnia rynkavych cen Livecharts.
Jak paviedamlałasia, nočču kaciroŭki studzieńskich fjučersaŭ na naftu marki Brent prademanstravali istotnaje źnižeńnie — da ŭzroŭniu nižej za $ 77, i abnavili čatyrochhadovy minimum.
Z ranicy źnižeńnie cany praciahnułasia, i nieŭzabavie jana prabiła «psichałahičny ŭzrovień» u $ 76.
Na praciahu dnia cana vahajecca pablizu adznaki ŭ $ 75,9. Łakalny minimum byŭ dasiahnuty ŭ 12.25 pa kijeŭskim časie, jon skłaŭ $ 75,6.
Miž tym niekatoryja pradstaŭniki arabskich dziaržaŭ hatovyja i da dalejšaha źnižeńnia.
TASS cytuje zajavu ministra nafty Kuviejta Ali Salech al-Amajra, jaki ličyć, što krainy APIEK pavinny pryniać lubuju rynkavuju canu na naftu, u tym liku — $ 60 za barel.
«My pavinny žyć i pry $ 80 za barel, i pry $ 60 za barel, i pry $ 100», — zajaviŭ jon pierad pasiadžeńniem ministraŭ APIEK, na jakim moža być razhledžana mahčymaść źnižeńnia zdabyčy ŭ krainach ekspartnaha kartela.
