Naftavyja kaciroŭki abvalilisia da 4-letnich minimumaŭ: košt barela nafty marki Brent ŭpaŭ amal na 9% - da $71,3, WTI - nižej za $70 upieršyniu ź leta 2010 hoda.
Indeks MMVB da kanca dnia źniziŭsia na 0,37% da 1531,69 punkta, indeks RTS upaŭ na 2,06% da 1006,43 punkta, ledź raniej apuściŭšysia da adznaki 1000 punktaŭ upieršyniu z 14 listapada.
Kurs rubla taksama rezka ŭpaŭ. Tak, dalar i jeŭra abnavili histaryčnyja maksimumy: dalar uźlacieŭ na 1,26 rubla adnosna papiaredniaha zakryćcia da adznaki 48,65 rubla, jeŭra — na 1,45 rubla da adznaki 60,66 rubla.
«Rašeńnie APIEK nie źnižać zdabyču nafty pahražaje kursu rubla, — ličyć hałoŭny ekanamist «Reniesans Kapitał» Aleh Kuźmin. — U bližejšyja miesiacy my praciahniem nazirać vialikuju vałacilnaść rasijskaj valuty. Vałacilnaść budzie źviazana i z tym, što na kaniec śniežnia prypadaje pik vypłat źniešnich daŭhoŭ — kala $19 młrd», — adznačyŭ ekśpiert. Pavodle prahnozaŭ «Reniesans Kapitał» paśla siońniašniaha rašeńnia APIEK
kaciroŭki Brent mohuć źnizicca prykładna na 10$ ź biahučych uzroŭniaŭ.
«U bližejšyja miesiacy rubiel budzie pad ciskam, - upeŭnieny hałoŭny ekanamist rasijskaha Deutsche bank Jarasłaŭ Lisavolik. - Pakolki ŭzrovień supracivu ŭ 48,5 rubla za dalar, apynuŭsia prabitym, možna čakać dalejšaha pasłableńnia rubla».
