Kramy spodniaha «Miłavica» zamieniać šyldy na maskoŭskich bucikach i pačnuć nazyvacca «Miłabiel». Pryčyna pieramienaŭ — kanflikt pamiž biełaruskim vytvorcam i najbujniejšym rasijskim frančajzy, jaki raźvivaŭ sietku ŭ Maskvie.
Pa słovach Alaksieja Prahiera, saŭładalnika kampanii «Staličny handlovy dom «Miłavica», rebrendynh pryznačany na pačatak 2015 hoda. Čakajecca, što abnaŭleńnie adnoj kramy abydziecca prykładna ŭ 10 tysiač dalaraŭ ZŠA.
Handlovyja punkty «Miłabiel» buduć pracavać u multybrendavym farmacie. Dola pradukcyi biełaruskaha vytvorcy składzie nie bolš za 10% ad usiaho asartymientu.
Viadoma, što kiraŭnictva biełaruskaha pradpryjemstva skasavała raniejšyja kantrakty na pastaŭku pradukcyi z rasijskimi dystrybutarami ŭ krasaviku 2014. Pa ŭmovach novaj damovy frančajzy musili pavysić roźničnyja ceny na pradukcyju «Miłavicy» na 20%.
Rasiejcy taksama skardziacca, što novyja praviły, jakija admaŭlajuć mahčymaść pradastaŭleńnia dystrybutaram rasterminovak i skidak pa apłacie tavaru, vymusili admovicca ad padpisańnia novaj damovy.
Pad raniejšym imiem «Miłavica» u rasijskaj stalicy zastanucca dzieviać kramak, jakija raźvivali inšyja partniory kampanii.
