Heta pakazaŭ vypadak, ab jakim raspavioŭ karystalnik Reddit pad nikam Jrockilla.
Adzin z vykanaŭčych dyrektaroŭ vialikaj kampanii zanies na svoj kampjutar virus, krynicu jakoha doŭha nie mahli vyznačyć. Jaho prahramnaje zabieśpiačeńnie było abnoŭlenym, stajali antyvirus i abarona ad škodnych prahram. Prahlad historyi złučeńniaŭ ź intrnetam nie daŭ vynikaŭ.
Kali ŭsie tradycyjnyja mietady byli vyčarpanyja, «ajcišniki» spytali achviaru, ci nie adbylisia za apošni čas niejkija źmieny ŭ jahonym žyćci. Na što vykanaŭčy dyrektar adkazaŭ: «Ja kinuŭ palić dva tydni tamu i pierajšoŭ na elektronnyja cyharety».
Heta i padkazała adkaz na pytańnie ab pachodžańni virusa. Vyrablenaja ŭ Kitai elektronnaja cyhareta mieła ŭ pamiaci «zaradnika» škodny kod, jaki pieradavaŭsia pry zaradcy — elektronnyja cyharety, jak i płejery ci smartfony, mohuć padzaradžacca ad USB-parta kampjutara. Jak tolki cyhareta padklučałasia ŭ USB, jana praz kampjutar źviazvałasia ź siervieram i kampjuter sam spampoŭvaŭ virus.
Voś tak. Piać dalaraŭ kaštuje cyharka, a kolki infarmacyi pra vas moža pieradać kamuści.
Aleś Žarski
