Adstaŭcy kiraŭnika Pientahona Čaka Chiejhieła papiaredničała jaho rasčaravańnie dziejańniami Biełaha doma, jaki nie zaćvierdziŭ jaho płan strymlivańnia prezidenta RF Uładzimira Pucina. Ab hetym piša The Wall Street Journal sa spasyłkaj na ŭłasnyja krynicy.
Pavodle paviedamleńnia, za dva miesiacy da adstaŭki Chiejhieł nakiravaŭ pryvatny list Biełamu domu, u jakim śćviardžaŭ ab nieabchodnaści pryniać novyja miery dla ŭtajmavańnia Pucina i prykładać bolš namahańniaŭ, kab supakoić ustryvožanych jeŭrapiejskich sajuźnikaŭ. Adnak adkazu na svajo piśmo kiraŭnik Pientahona nie atrymaŭ.
«Chiejhieł lubić jasnaść, — skazaŭ adzin z pradstaŭnikoŭ Pientahona. — A ciapierašni Bieły dom jasnaściu nie zaŭždy adroźnivajecca».
Pa słovach pamočnikaŭ kiraŭnika Pientahona, Chiejhieła ad pačatku kanfliktu niepakoiła, što Pucin interpretuje biaździejnaść ZŠA ŭ pytańni dapamohi Ukrainie jak abyjakavaść i puścicca va ŭsie ciažkija. Tak jano ŭrešcie i vyjšła.
Chiejhieł sprabavaŭ danieści svaju pazicyja da Baraka Abamy padčas pryvatnaj razmovy ŭ lipieni. Jon padkreśliŭ, što ZŠA nie nadajuć dastatkovaj uvahi Rasii i «vahajucca», nie majuć vyraznaj palityki.
Akramia taho Chiejhieł skazaŭ Abamie, što mienavita RF, a nie Blizki Uschod, ujaŭlaje najbolšuju pahrozu suśvietnaj biaśpiecy ŭ doŭhaterminovaj pierśpiektyvie.
U svaim liście ŭ vieraśni kiraŭnik Pientahona zaklikaŭ Bieły dom adreahavać na takija realii «bolš tvorča», kab strymać Pucina, pakul sprava nie zajšła zadaloka.
