Fiestyval Dyjany Pierno «A Shaded View on Fashion Film» abraŭ najlepšyja modnyja karotkamietražki. U roznych naminacyjach było ŭznaharodžana 9 mini-filmaŭ.
Uładalnikam hran-pry ASVOFF hetaha hoda staŭ film «Jumper», źniaty Džaścinam Andersanam (Justin Anderson).
Padajecca, što film apaviadaje bolš pra kansumpcyju i našyja paryvańni, čym pra modu. Hoły mužčyna, jakoha prahnie ŭsia siamja, pakazanaja ŭ filmie, spraščaje temu mody mienavita da prahi.
Kadr ź filmu «Jumper»
Za najlepšuju režysuru ŭznaharodzili karotki mietr Moniki Mienies (Monica Menez) dla «S Moda», u jakim čaroŭnaja Łaura Ponte (Laura Ponte) šukaje sabie mužčynu. U peŭny momant padajecca, što modny śviet złučajecca z procilehłym, ale nie. Prosta padałosia. Filmik pra ekstremalna kavarnuju pryhažość i ŭmieńnie manipulavać śvietam praz vyhlad, nastroj (z dapamohaj muzyki), štučnuju ŭśmiešku i … źmiainuju movu.
Kadr ź filma «S Moda»
U naminacyi «Najlepšaja hulnia» pieramoh manałoh, jaki byŭ źniaty Łauraj Chiponien (Laura Hypponen). Nie budu raskryvać tajamnicu hetaha mini-filma, jaki mianie pryjemna ździviŭ niečakanym padychodam da temy. A mienavita da hiermietyčnaści vobrazaŭ, jakija paŭstajuć, dziakujučy modnamu śvietu. Spraščajučy, možna vyhladać jak śpiavačka Reana, ale nie mieć hołasa.
Kadr ź filma «Doli»
U naminacyi «Najlepšaja stylizacyja» pieramahli Safija Sančes i Maŭra Manhijeła (Sofia Sanchez & Mauro Mongiello) ź mini-filmam «Guinevere van Seenus». Na 100% antymodnaja karotkamietražka.Moža, pra stomlenaść ad płastykavaha žyćcia? Ci pra toje, što nie ŭśviedamlaješ, što žyvieš siarod pryhožaj štučnaści, bo ŭvieś čas niešta robiš, robiš.
Kadr ź filma «Guinevere van Seenus»
U naminacyi «Najlepšy dyzajn huku» pieramahła praca marki, jakaja zakachanaja ŭ minimaliźmie, — SOS. I u hetym roliku huki mody adkryvajucca pierad nami ŭ kamičnym farmacie.
Kadr ź filma «The Sound of Cos»
«Za pryhažość» byŭ adznačany mini-film Mery Šuler (Marie Schuller). Karotkamietražka sprabuje emacyjna adlustravać žančynu. I moda tut ni pry čym!
Kadr ź filma «Barbara Casasola: menswear for women»
A najlepšym novym talentam akazaŭsia mini-film pra telefonnyja stasunki Džiejkaba Braŭna (Jacob Brown), a moža, navat hłabalniej — pra sučasnyja stasunki. I kali b nie modnyja rečy i akcenty na «modnaść» hierojaŭ hetaha mini-filma, to jon moh by być pakazany zusim na inšym fiestyvali.
Kadr ź filma «Connecting»
Ahulnaje ŭražańnie ad prahladu hetych karotkich 9 mini-filmaŭ takoje, što modu vielmi składana vychapić z rečaisnaści. Jana źjaŭlajecca častkaj nas. Kali my nie aholenyja — my pačynajem ekśpierymientavać. «Ekśpierymient» — heta klučavy chešteh mody.
Fiestyval modnaha kino «A Shaded View on Fashion Film» byŭ zasnavany žurnalistkaj Dyjanaj Pierno ŭ 2008 hodzie. Tady jon išoŭ usiaho try dni ŭ paryžskaj Nacyjanalnaj halerei Jeu de Paume. Zaraz prahrama ASVOFF stała kudy šyrejšaj — fiestyval abzavioŭsia asobnymi konkursnymi i dakumientalnymi prahramami. U hetym hodzie jon prachodzić užo ŭ 7-y raz.
