«Biełaruś nie źjaŭlajecca krainaj doŭhaterminovaha adpačynku, siaredniaja praciahłaść znachodžańnia zamiežnika składaje čatyry dni. Hety adpačynak moža płanavacca spantanna, umoŭna kažučy, čałaviek moža pryjechać na vychadnyja. Tut nie idzie razmova ab rańnim braniravańni, jak u tych vypadkach, kali, naprykład, za paŭhoda kuplajecca pucioŭka ŭ Jehipiet abo AAE»,
— paviedamiŭ dyrektar departamienta pa turyźmie Ministerstva sportu i turyzmu Vadzim Karmazin. Hetu asablivaść varta ŭličvać pry raźvićci ŭ našaj krainie karavaninhu, ličyć jon.
Zakranajučy vizavaje pytańnie, Vadzim Karmazin adznačyŭ, što
Minsportu i turyzmu nakiroŭvała prapanovy pa libieralizacyi vizavaha režymu ŭ Saviet Ministraŭ i Ministerstva zamiežnych spraŭ.
Jon nahadaŭ, što ciapier viaducca pierahavory pa spraščeńni vizavych pracedur ź Jeŭrasajuzam. Pry hetym dyrektar vykazaŭ mierkavańnie, što zamiežnikaŭ ad naviedvańnia krainy adšturchoŭvaje nie stolki košt, kolki pracedura afarmleńnia vizy.