Mahčymaści i resursy Biełarusi pa pryjomie pierasialencaŭ z paŭdniovaha ŭschodu Ukrainy nie biaźmiežnyja, zajaviŭ ministr unutranych spraŭ Ihar Šunievič.
Ukraincy, jakija pryjazdžajuć u Biełaruś, imknucca ŭ asnoŭnym trapić u Minsk i abłasnyja centry. «My imkniemsia aryjentavać hetych hramadzian na raŭnamiernaje raźmierkavańnie pa ŭsioj terytoryi krainy», — skazaŭ Šunievič.
Sioleta, pavodle jaho słoŭ, u Biełaruś ujechali prykładna 40 tysiač hramadzian Ukrainy, pa status biežancaŭ źviarnulisia adzinki, u asnoŭnym pa dadatkovuju abaronu, pa časovaje znachodžańnie.
Kiraŭnik MUS zaznačyŭ, što ŭ jaho niama infarmacyi pra toje, što ŭkraincy, jakija pryjechali, niehatyŭna ŭpłyvajuć na stanovišča sa złačynnaściu. «Jość prablemy humanitarnaj ułaścivaści. Heta žyllo i pracaŭładkavańnie», — skazaŭ Šunievič.