U liście havorycca, što tyja lekavyja srodki, jakija zarehistravanyja ŭ Dziaržaŭnym rejestry lekavych srodkaŭ Biełarusi z paradkam vodpusku «biez recepta», da ŭniasieńnia źmianieńniaŭ u pieralik lekavych srodkaŭ, što realizujucca biez recepta doktara, padlahajuć vodpusku z aptek biez recepta niezaležna ad ich uklučeńnia ŭ nazvany pieralik. Infarmacyja ab paradku prodažu pakazvajecca ŭ instrukcyjach pa ŭžyvańni, listkach-układkach i na ŭpakoŭkach lekavych srodkaŭ.
U Ministerstvie achovy zdaroŭja rastłumačyli, što biezrecepturny pieralik lekavych srodkaŭ byŭ zaćvierdžany ŭ červieni 2012 hoda. Adnak paśla hetaha ŭ Dziaržaŭnym rejestry byŭ zarehistravany šerah novych biezrecepturnych lekaŭ — u abarot jany vyjšli, ale ŭ biezrecepturny pieralik nie patrapili, tamu ŭ vytvorcaŭ i aptečnaj sietki paŭstali pytańni pa realizacyi takich preparataŭ. «Apteki mohuć adpuskać zarehistravanyja jak biezrieciepturnyja leki biez recepta niezaležna ad ich ŭklučeńnia ŭ pieralik biezrecepturnych lekavych srodkaŭ», — skazali ŭ viedamstvie.
U ciapierašni čas pierarablać biezrecepturny pieralik niemetazhodna da ŭstupleńnia ŭ siłu normaŭ zakona ad 17 listapada 2014 h. «Ab uniasieńni źmianieńniaŭ i dapaŭnieńniaŭ u Zakon Respubliki Biełaruś» Ab lekavych srodkach».
