Mižnarodnaja arhanizacyja Transparency International apublikavała vyniki čarhovaha štohadovaha hłabalnaha indeksu karumpavanaści. Heta daśledvańnie ranžyruje krainy pa ŭzroŭniu karupcyi.
Kožnaj analizujemaj krainie vystaŭlajucca bały pavodle šerahu pakazčykaŭ. Kraina moža nabrać ad 0 da 100 bałaŭ, dzie 0 — pakazčyk najvyšejšaj karumpavanaści, a 100 — adsutnaść karupcyi. U 2014 hodzie uzrovień karupcyi daśledvaŭsia ŭ 175 dziaržavach.
Pieršaje miesca z vynikam 92 bały zaniała Danija.
Heta kraina zachavała pieršynstvo ź minułaha hoda. Razam ź joj dziasiatku pieramožcaŭ składajuć Novaja Ziełandyja (91), Finlandyja (89), Šviecyja (87), Narviehija (86), Šviejcaryja (86), Sinhapur (84), Niederłandy (83), Luksiemburh (82) i Kanada (81).
Biełaruś nabrała 31 bał i ŭ hłabalnym rejtynhu karumpavanaści zaniała 119-je miesca. Pa stolki ž bałaŭ nabrali Vjetnam, Śjera-Leone, Mazambik i Tanzanija. Treba adnznačyć, što Biełaruś u 2014 hodzie nabrała na 2 bały bolš za 2013 hod.
U piaciorku samych karumpavanych krain uvajšła Paŭnočnaja Kareja (8), Samali (8), Sudan (11), Afhanistan (12) i Paŭdniovy Sudan (15).
