Hałoŭnym śledčym upraŭleńniem zavieršana rasśledavańnie kryminalnaj spravy ŭ dačynieńni da pradaŭca adnoj sa staličnych kram, jakaja krała hrašovyja srodki z čužych bankaŭskich rachunkaŭ.
Pra heta paviedamlaje pres-słužba Śledčaha kamiteta.
Śledstvam ustanoŭlena, što ŭ mai-červieni 2014 pradaviec niepravamierna zavałodała rekvizitami čužych bankaŭskich płaciežnych kart, a zatym, vykarystoŭvajučy atrymanyja źviestak, apłačvała roznyja pasłuhi pry dapamozie sietki Internet.
Sabrany dokazy ab 80 faktach jaje złačynnaj dziejnaści. Paciarpiełymi pa kryminalnaj spravie prachodziać 37 čałaviek.
Žančynie pradjaŭlenaje abvinavačvańnie pa č. 2 art. 212 (kradziež šlacham vykarystańnia kampjutarnaj techniki, spałučany ź niesankcyjanavanym dostupam da kampjuternaj infarmacyi) Kryminalnaha kodeksa Respubliki Biełaruś.
Materyjały kryminalnaj spravy pieradadzienyja ŭ prakuraturu dla nakiravańnia ŭ sud.
Śledčy kamitet źviartaje ŭvahu uładalnikaŭ bankaŭskich płaciežnych kart na vykanańnie rekamiendacyj Nacyjanalnaha banka Respubliki Biełaruś dla zachavanaści svaich hrašovych srodkaŭ:
— ustalavać limity na źniaćcie najaŭnaści i na bieznajaŭnyja raźliki;— padklučyć pasłuhi «SMS-abviestka» i 3D-sesure;
— abmiežavać koła krain, u jakich mahčyma ździajśnieńnie apieracyj.
Pry źniaćci najaŭnaści pažadana paźbiahać bankamataŭ, pastaŭlenych na vulicach, a pry raźlikach lepš mieć svaju bankaŭskuju kartku zaŭsiody pierad vačyma.
