Zabaronaj na pastaŭki biełaruskich tavaraŭ Rasija pajšła na parušeńnie ŭsich damoŭlenaściej u Mytnym sajuzie.
Pra heta zajaviŭ siońnia Alaksandr Łukašenka na naradzie ab pryniatych mierach pa źniaćci zabaronaŭ na ŭvoz biełaruskaj pradukcyi ŭ Rasijskuju Fiederacyju i tranzit tavaraŭ sankcyjnaha śpisu.
Łukašenka miarkuje, što Rasija paviała siabie nieprystojna, zabaraniŭšy mnohim biełaruskim pradpryjemstvam pastaŭku charčovych tavaraŭ na svaju terytoryju.
«Uźnikaje pytańnie: čamu heta adbyłosia? — adznačyŭ kiraŭnik biełaruskaj dziaržavy. — Roznaha rodu žullo, jakoje krucicca ŭ Rasii, siońnia choča nahreć ruki na rasijskim rynku za košt padniaćcia cen. Pastaŭka biełaruskich tavaraŭ značna strymlivaje rost cen u Rasijskaj Fiederacyi, a, naturalna, my viedajem, kamu heta nie na ruku. Ale heta ich prablema».
«Pytańnie ŭ tym, što Rasija pajšła na parušeńnie ŭsich našych damoŭlenaściej, jakich my dasiahnuli ŭ Mytnym sajuzie. Tak, možna heta tłumačyć niejkimi pytańniami biaśpieki, teraryzmam i hetak dalej — možna prydumać usio i pryšyć cetliki», - adznačyŭ Łukašenka. Jon dadaŭ, što biełaruskuju pradukcyju dobra viedajuć u inšych krainach i kuplajuć.
«Kantrabandnych tavaraŭ ad svaich partnioraŭ pa Mytnym sajuzie my ŭ Biełarusi atrymlivajem značna bolš: tureckich, kitajskich, nieabaviazkova charčovych, charčovyja nie mohuć kankuravać u Biełarusi.
Niecharčovych tavaraŭ — chmara! I my nie pradjaŭlali nikoli Rasijskaj Fiederacyi pretenzij, a taksama Kazachstanu», - padkreśliŭ jon.
