U videa da filma «Žaleznaje nieba 2» Uładzimir Pucin vykonvaje dzivosny taniec. Fonam hučyć pieśnia słavienskaha hurta Laibach, jaki pisaŭ muzyku i da pieršaha «Žaleznaha nieba».
Praz 20 hod paśla padziejaŭ pieršaj častki na Ziamlu, što pierašyła jadzierny apakalipsis, napadzie armija dynazaŭraŭ pad kiraŭnictvam Adolfa Hitlera.
Jak paviedamlajuć aŭtary filma, Pucin budzie adnym z admoŭnych piersanažaŭ «Žaleznaha nieba 2». Jaho rolu vykanaje finski aktor Kary Kietanien.
Trejler «Žaleznaha nieba 2»
Srodki na «Žaleznaje nieba 2» źbirajucca «ŭ narodzie»: kala 60% biudžetu (blizu 10 młn dalaraŭ) filma aŭtary płanujuć nabrać praz kraŭdfandynh — achviaravańni praź internet. Vytvorčaść filma płanujecca na 2015 hod, a vypusk u prakat — na 2016-y.
Pieršaje «Žaleznaje nieba» stała samym darahim prajektam u historyi finskaha kino. Ale pry biudžecie ŭ 10 miljonaŭ dalaraŭ stužka sabrała ŭ suśvietnym prakacie tolki 8 młn, pałova atrymanaja ŭ Niamieččynie.Pavodle IMDb hledačy acanili film u 6 z 10 bałaŭ.