Amal try tydni kala 1.300 brytanskich sałdat udzielničali ŭ listapadzie ŭ sumiesnych z Polščaj vajskovych vučeńniach «Čorny aroł» na zachadzie Polščy, paviedamiŭ aficyjny sajt www.gov.uk.
Heta samyja vialikija tankavyja vučeńni ŭ Uschodniaj Eŭropie za apošnija 6 hod, piša sajt.
Brytanskija i polskija žaŭniery na polskim tanku Leopard 2.
«Vučeńni pravierać chutkaść reahavańnia, zdolnaść da supracy… padčas trenirovak tankavych i mataryzavanych bajavych adzinak», — paviedamiŭ sajuzny štab sił NATA ŭ Jeŭropie ŭ pačatku listapada.
Razam z brytancami — bajavoj hrupaj tankavaha pałka Karaleŭskich husaraŭ — udzielničali ŭ vučeńniach siły 10-j polskaj tankavaj bryhady, uzbrojenaj tankami Leopard 2. Asnoŭny bajavy tank brytanskaj armii — Challenger 2.
Brytanskija tanki Challenger 2 padčas vučeńniaŭ «Čorny aroł».
Na praktycy heta aznačaje, što brytancy trenirujucca chutka ŭstupać u maštabnyja ahulnavajskovyja bai — naprykład, kali Rasija vyrašyć pravieryć rašučaść zachodnich krainaŭ abaranić svaich chaŭruśnikaŭ pa Paŭnočnaatłantyčnym aljansie.
Jak i inšyja krainy NATA, apošnija 10 hod brytancy vajavali tolki z bajevikami-isłamistami ŭ Irakie i Aŭhanistanie. Za hety čas hienierały i aficery pierastali dumać pra bujnyja tankavyja apieracyi i rychtavacca da ich. Rasijskaja ahresija suprać Ukrainy ŭ Krymie i na Danbasie rezka źmianiła hetuju situacyju.
