Takoje daručeńnie kiraŭnik dziaržavy daŭ siońnia na naradzie ab pryniatych mierach pa źniaćci zabaron na ŭvoz biełaruskaj pradukcyi ŭ Rasijskuju Fiederacyju i tranzit tavaraŭ sankcyjnaha śpisa, paviedamiŭ vice-premjer Michaił Rusy.
Alaksandr Łukašenka stroha pastaviŭ pytańnie kantrolu jakaści pradukcyi ŭnutry Biełarusi, paradku na pradpryjemstvach, vykanańnia technałohii pierapracoŭki i ŭsich rehłamientaŭ, pačynajučy ad hranicy, tranzitu, niedapuščeńnia reekspartu i da naładžvańnia pastavak biełaruskaj pradukcyi.
Łukašenka daručyŭ aktyŭniej šukać novyja rynki zbytu. Pavodle słoŭ Michaiła Rusaha, Biełaruś pracuje z 50 krainami, adnak abjom handlu ź imi nievialiki. «Tak, rasijski rynak pryvabny, ale jon nie biezraźmierny», — skazaŭ vice-premjer. Jon taksama źviarnuŭ uvahu na dobry temp rostu vytvorčaści pradukcyi ŭ hetym hodzie.
Vice-premjer nahadaŭ, što 1 i 2 śniežnia ŭ Biełarusi pracavali rasijskija słužby, pa kožnym pradpryjemstvie im pradstaŭlena poŭnaja infarmacyja. Michaił Rusy paviedamiŭ, što 4 śniežnia adbudziecca sustreča ź vice-premjeram Rasii Arkadziem Dvarkovičam i kiraŭnikom Raśsielhasnahlada Siarhiejem Dankviertam, dzie buduć abmierkavany pytańni pastavak biełaruskich praduktaŭ charčavańnia. Biełaruski bok unosić prapanovy ab tym, kab abiedźvie krainy pracavali pa adzinaj mietadałahičnaj bazie.
«My pavinny viedać, dzie ŭziaty ŭzor, pa jakich mietadałohijach, kali jość niejkija narakańni, nieadkładna pavinna być praviedziena rasśledavańnie pa ŭsich našych pradpryjemstvach, što zroblena», — skazaŭ vice-premjer.
Rasijski bok prapanuje apieratyŭna vybudavać u ramkach adzinaj ekanamičnaj prastory sistemu ŭliku ŭsich vyjaŭlenych parušeńniaŭ i mier reahavańnia.
Michaił Rusy vykazaŭ upeŭnienaść, što biełaruskija pradpryjemstvy zabiaśpiečvajuć technałahičny ŭzrovień biaśpieki, jaki patrabujecca ŭ ramkach Mytnaha sajuza. Jon raskazaŭ, što
sanitarnymi słužbami była praviedziena pravierka 6,6 tys. prob i tolki 6 ź ich nie adpaviadali jakaści. Heta 8 t pradukcyi, jakaja była kanfiskavana.
Pavodle jaho słoŭ, ciapier idzie abjomnaja pravierka handlovych abjektaŭ. Akramia taho, 800 biełaruskich pierapracoŭčych pradpryjemstvaŭ jak dziaržaŭnaj, tak i pryvatnaj formy ŭłasnaści pastaŭlajuć pradukcyju na rasijski rynak pa siertyfikatach Rasijskaj Fiederacyi. Michaił Rusy adznačyŭ, što taki miechanizm budzie prymianiacca da kanca 2015 hoda. «Inakš kažučy, pradpryjemstvy i tut pierastrachoŭvajucca», — skazaŭ jon.
Vice-premjer padkreśliŭ, što z boku Biełarusi «niezrazumiełaha reekspartu niama». Pavodle jaho słoŭ, sumiesna z Rasijskaj Fiederacyjaj dziejničaje anłajn-sistema «ARHOS», u jakoj vidać usie pieramiaščeńni žyviołahadoŭčaj pradukcyi praz hranicy.
Jon taksama dadaŭ, što biełaruski bok nie da kanca asvoiŭ kvotu pa pastaŭkach praduktaŭ charčavańnia ŭ Rasiju. U jakaści prykładu jon adznačyŭ, što z 47 tys.t śvininy pa kvocie Biełaruś pastaviła tolki 40 tys.t.
«Liču, što my znojdziem rašeńnie, adpracujem sistematyku, budzie naładžany manitorynh, kali spatrebicca — štotydniovy», — padkreśliŭ Michaił Rusy.
