Pieršamajskim (Minska) rajonnym adździełam Śledčaha kamiteta rasśledujecca kryminalnaja sprava ab złosnym chulihanstvie, raspačataja ŭ dačynieńni da hramadzianina Azierbajdžana.
Jak paviedamili ŭ SK, 26 listapada prykładna ŭ 21.30 kala doma 33a pa vulicy Kiedyški ŭ Minsku zdaryŭsia incydent, u vyniku jakoha byli źbityja kiroŭca aŭtobusa maršrutu № 95 i jašče troje hramadzian.
Va ŭčynieńni złačynstva, kvalifikavanaha śledčymi jak chulihanstva, učynienaje hrupaj asob, źviazanaje z supraciŭleńniem asobie, jakaja spyniała chulihanskija dziejańni, abhruntavana padazrajucca hramadzianie Azierbajdžana. U dačynieńni da adnaho ź ich raspačata sprava pa č. 2 art. 339 KK. Pa padazreńni ŭ datyčnaści da ŭčynieńnia złačynstva zatrymanyja dvoje jaho suajčyńnikaŭ.
Pavodle papiaredniaj infarmacyi, udzielnikaŭ padziej z boku padazravanych było bolš jak dziesiać.
Supracoŭnikami śledčaj hrupy ŭstanaŭlivajucca akaličnaści hetaha zdareńnia, u tym liku asoby, kolkaść i rola ŭdzielnikaŭ incydentu.
Śledstva źviartajecca da hramadzian, jakija vałodajuć zapisami ź videarehistratara ci mabilnaha prystasavańnia, što majuć dačynieńnie da zhadanych padziej, abo vałodajuć inšaj karysnaj infarmacyjaj, paviedamić pra heta ŭ Pieršamajski RASK. Kanfidencyjalnaść harantujecca.