U jakaści apieratara, režysiora i scenarysta videa vystupiŭ Michał Parchomienka, kiraŭnik prajektu WeGiveYouMO. U kadry jaho dobraja siabroŭka, jakaja napraŭdu zajmajecca tryma vidami sportu: płavańniem, valejbołam i ŭejkbordam. A hołas za kadram začytvaje śpiavačka minskaha hurta «Varona».
Ideja rolika pryjšła raptoŭna, raspavioŭ Michał «Našaj Nivie».
«Chaciełasia źniać nie sacyjalnuju rekłamu z zaklikam «kidaj piva — idzi ŭ kačałku», a prosta mahutny matyvacyjny pasył».
Videa rabiłasia i ź cikaŭnaści da vyniku: ci atrymajecca ŭkłaści ŭ paŭtary chviliny niešta bolšaje za pryhožuju karcinku dy badziory hołas.
«Biełaruskuju movu ja abraŭ tamu, što na joj vielmi mała jakasnaha kantentu, — kaža Michał. Ja pieryjadyčna bačyŭ niejkija sproby zrabić niešta pa-biełarusku, ale zaŭždy kryviŭsia, bo atrymlivałasia niaŭmieła. I ničoha dla biełarusizacyi nie robicca. Kali b prynamsi filmy pačali pierakładać na biełaruskuju dy krucić ich u kinateatrach, praces by pajšoŭ.
Michał miarkuje, što ź videa atrymałasia by dobraja sacyjalnaja rekłama. Ale pryznajecca, što navat nie viedaje, kudy pisać dy što rabić.
«Dy i naŭrad ci chto prysłuchajecca, u Biełarusi pakul saŭkovy padychod da sacyjalnaj rekłamy», — skardzicca jon.
Aŭtar videa chacieŭ by prapanavać jaho ministerstvu kultury ci ministerstvu sportu i turyzmu dy budzie ŭdziačny za navodki.
