Uładzimir Sačkoŭ
Uradženca Biełarusi i hramadzianina Rasii Uładzimira Sačkova abvinavačvajuć u machlarstvie ź mižnarodnym trafikam i ŭchileńni ad vypłaty padatkaŭ.
Armienija nakiravała zapyt na ekstradycyju Sačkova, jaki Biełaruś zadavoliła.
U miežach kryminalnaj spravy suprać «Armienteła» šerah asob byŭ abvieščany ŭ mižnarodny vyšuk. Fihurantaŭ spravy padazrajuć u vyvadzie mižnarodnych telefonnych pieramoŭ u afšor. Raźbiralnictva inicyjavanaje pa zajavie samoha «Armienteła».
Praź dziejańni złačyncaŭ Armienija niedaličyłasia padatkaŭ na 35 młn dalaraŭ.
Pa źviestkach armianskich ŚMI, Sačkoŭ byŭ zatrymany jašče ŭ mai 2014 hoda, ale praces ekstradycyi zaciahvajecca jaho advakatami.
U 2013 hodzie Sačkoŭ pakinuŭ «Armienteł», a na pačatku 2014 hoda staŭ namieśnikam hiendyrektara pa techničnych pytańniach velcom. Zaraz hetuju pasadu ŭ velcom zajmaje Mładen Piejkavič.
Sam Sačkoŭ admaŭlaje abvinavačańni dy śćviardžaje, što parušeńni byli vyjaŭlenyja ŭžo paśla jaho sychodu z kampanii.
Pres-słužba velcom dała nastupny kamientar: «Eks-supracoŭnik našaj kampanii Uładzimir Sačkoŭ pa ŭłasnaj inicyjatyvie pryniaŭ vyrašeńnie ab praciahu svajoj abarony ŭ śviecie pradjaŭlenych jamu abvinavačańniaŭ i supracy z uładami Armienii łakalna, na terytoryi paznačanaj respubliki».