Z-za śpiecapieracyi, jakaja prachodzić ź siońniašniaj nočy ŭ Hroznym, u centry čačenskaj stalicy adbyłosia mnostva uzharańniaŭ. Pažar uźnik na rynku «Bierkat», prylehłym da Doma druku.

Śpiecapieracyja i stralba ŭ centry horada praciahvajecca. Pavodle dadzienych z sacsietak, z-za jaje pačaŭsia pažar na rynku «Bierkat», što znachodzicca ŭ niepasrednaj blizkaści ad Doma druku. Videa, na jakim bačnyja kadry pažaru na handlovym abjekcie, raźmieščany siońnia ŭ YouTube.

Płošča ŭzharańnia nieviadomaja, na miesca prybyli 50 ratavalnikaŭ i 12 adzinak techniki. Jość infarmacyja, što niekalki pažarnych paciarpieli pry tušeńni ahniu, piša vydańnie Svopi.ru, nie pakazvajučy svajho krynicy infarmacyi.

Uzharańnie likvidujecca ŭ dvuch handlovych modulach rynku, piša LifeNews, spasyłajučysia na ŭłasnyja źviestki.

Клас
Панылы сорам
Ха-ха
Ого
Сумна
Абуральна