Simulatar tankavaha boju pieršaj pałovy XX stahodździa dastupny biaspłatna ŭładalnikam smartfonaŭ i płanšetaŭ z Android viersii nie starej za 4.0.
Akramia suśvietnaj dastupnaści abnaŭleńnie 1.5 prniesła ŭ hulniu krospłatformiennyja bai — ciapier hulcy z Android- i iOS-pryładami mohuć zmahacca na adnoj arenie.
Pryncypovaj roźnicy u viersijach dla Android i iOS «apieracyjonak» niama.
Taksama ŭ hulni źjavilisia dziesiać siarednich tankaŭ Brytanii, sistema prakački ekipaža i kartu «Zimovaja Malinaŭka».
World of Tanks Blitz nie źjaŭlajecca poŭnaj kopijaj World of Tanks. Jana raspracavanaja pad sensarnyja ekrany i bolš słaboje «žaleza», tamu ŭ hulni sproščanaje kiravańnie, mieniej detalovaja hrafika, mienšyja pamiery kartaŭ i kamandaŭ. Dla jaje patrebny asobny ad «nastolnych» tankaŭ akaŭnt. World of Tanks Blitz spažyvaje prykładna 10 Mb trafika na hadzinu hulni.
Sama hulnia raspaŭsiudžvajecca biaspłatna. Jak i jaje «nastolny» brat, jana zasnavanaja na pryncypie «Free to win» («Pieramahać možna biaspłatna»).
U hulni prysutničaje mahčymaść pakupak bonusaŭ za realnyja hrošy, ale hetyja bonusy nie dajuć vidavočnych pieravah na poli boja.
Viersija World of Tanks Blitz dla iOS była vypuščanaja 26 červienia 2014 hoda. Jana była ŭstalavanaja bolš za 10 młn raz i maje siaredniuju adznaku ŭ 4.5 bały z 5.
