Fota Aleny Fietkulinaj, kommersant.ru.
Dziesiać supracoŭnikaŭ palicyi zahinuli i 28 byli paranienyja padčas bajoŭ u Hroznym, paśla taho jak na horad ździejśniła napad hrupa bajevikoŭ, paviedamiŭ Nacyjanalny antyterarystyčny kamitet.
Kiraŭnik Čačni Ramzan Kadyraŭ zajaviŭ, što śpiecapieracyja ŭ Hroznym zavieršana, adnak u NAK u adkaz na zapyt Bi-bi-si nie zmahli paćvierdzić abo abvierhnuć heta. U paviedamleńni viedamstva havorycca, što śledčyja mierapryjemstvy praciahvajucca.
«Śpiecapieracyja skončyłasia, u nas jość trupy dzieviaci [bajevikoŭ], dalej jany [supracoŭniki siłavych struktur] šukajuć»,
— cytuje Interfaks zajavu Kadyrava.
Abstanoŭka ŭ horadzie sapraŭdy narmalizujecca, pačalisia adnaŭlenčyja raboty ŭ paciarpiełych rajonach, paćvierdziła Bi-bi-si Hroźnienski žurnalist Asia Mišyjeva. Adnak, pa jaje słovach, u rajonie škoły №20, dzie raniej była błakavanaja hrupa bajevikoŭ, zredku čuvać streły.
U noč na čaćvier u stalicy Čačni bajeviki adkryli ahoń pa palicyjantam, paśla čaho pierastrełki ŭspychvali ŭ roznych častkach čačenskaj stalicy. Amal całkam zhareŭ budynak Doma druku — miesca samych žorstkich bajoŭ, a taksama surjozna paciarpieŭ rynak «Bierkat».
