Śpiavak ciapier vystupaje ŭ roli pradziusara biełaruskaha hurtu MILKI, ź jakim pasprabuje prabicca na «Jeŭrabačańnie».
Dla vykanańnia svajoj pieśni «Accent» Alaksandr šukaŭ vakalistak pa ŭsioj Biełarusi: u kastryčniku jon pravodziŭ kastynhi ŭ Mahilovie, Hrodnie, Minskie i Breście.
Piać lepšych vakalistak (dziaŭčaty z Homiela, Hrodna, Horak i dźvie minčanki) skłali hiorłz-bend MILKI.
Hurt biare ŭdzieł u nacyjanalnym adbory na Jeŭrabačańnie, jaki prachodzić 4-5 śniežnia. Za chodam adboru možna sačyć na sajcie Biełdziaržteleradyjokampanii.
Dla finału žury abiare nie bolš za 15 vykanaŭcaŭ.
Finał nacyjanalnaha adboru projdzie 7 śniežnia.
Jak raniej raspaviadaŭ Rybak, jon padbiraŭ hurt pad peŭny tembr hołasa, a źniešnaść nie mieła klučavoj roli.
Na jaho dumku, u biełarusaŭ nie atrymajecca jakasna «padstroicca pad jeŭrapiejcaŭ» praź niepaźbiežny akcent, kali śpiavać pa-anhlijsku. Tamu jon stvaryŭ pieśniu, dzie akcent budzie «fiškaj», a nie chibaj.
Pieśnia «Accent» vykonvajecca na dźviuch movach: častkova pa-biełarusku, častkova pa-anhlijsku.
«Akcent» Rybaka moža stać pieršaj biełaruskamoŭnaj pieśniaj na «Jeŭrabačańni».