Pra heta zajaviŭ načalnik upraŭleńnia enierhaefiektyŭnaści Ministerstva enierhietyki Biełarusi Michaił Małašenka.
Heta budzie źviazana z uvodam u ekspłuatacyju Biełaruskaj AES.
Uvod BiełAES pryviadzie da zahruzki najbolš efiektyŭnaha abstalavańnia enierhasistemy ź mienšym udzielnym raschodam na vypracoŭku elektryčnaj enierhii. Michaił Małašenka adznačyŭ, što ŭdzielny raschod pa novych błokach i isnujučych błokach kandensacyjnych stancyj na vypracoŭku elektraenierhii adroźnivajecca prykładna na 30 pracentaŭ. Sabiekošt kiłavat u hadzinu na Biełaruskaj AES budzie istotna nižejšym, čym toj, što vypracoŭvajecca ŭ krainie ciapier.
Kiraŭnik upraŭleńnia źviarnuŭ uvahu, što paśla pusku Biełaruskaj AES možna budzie pastaŭlać elektraenierhiju ŭ krainy blizkaha i dalokaha zamiežža.
«Heta paŭpłyvaje na sabiekošt kaniečnaha praduktu (elektraenierhii. — Zaŭvaha BiełTA) dla spažyŭcoŭ Biełarusi, jany tolki vyjhrajuć niezaležna ad taho, budzie heta realny siektar ekanomiki ci fizičnyja asoby», — reziumavaŭ Michaił Małašenka.
Jak paviedamlałasia, Biełaruś papiarednie płanuje ŭ 2015 hodzie impartavać kala 2,5 młrd. kVt.hadz elektraenierhii. Respublika kožny hod źnižaje impart elektraenierhii. U 2014 hodzie ŭ paraŭnańni z 2012 hodam abjomy, što zakuplajucca zvonku, źnizilisia amal u dva razy.
Biełaruskaja AES — prajekt pa budaŭnictvie atamnaj elektrastancyi typu AES-2006, jaki realizujecca za 18 km ad Astraŭca (Hrodzienskaja vobłaść). BiełAES budzie składacca z dvuch enierhabłokaŭ sumarnaj mahutnaściu da 2400 (2ch1200) MVt. Hienieralnym prajekciroŭščykam i hienieralnym padradčykam źjaŭlajecca abjadnanaja rasijskaja kampanija AAT «NIAEP» — ZAT «ABE». U adpaviednaści z hienieralnym kantraktam na budaŭnictva stancyi pieršy enierhabłok płanujecca ŭvieści ŭ ekspłuatacyju ŭ 2018 hodzie, druhi — u 2020 hodzie.