Hramadski aktyvist Vital Hulak 4 śniežnia rašeńniem suda Vaŭkavyskaha rajona aštrafavany na 20 bazavych vieličyń za prysutnaść na Dni pamiaci paŭstancaŭ 1863 hoda ŭ Śvisłačy.

Na dumku suda, Hulak ŭdzielničaŭ u niesankcyjanavanym mierapryjemstvie. Abvinavačańnie na adras aktyvista bazavałasia na składzienym u Śvisłackim RAUS pratakole ab administracyjnym pravaparušeńni.

«Vital Hulak u toj dzień nie trymaŭ nijakaj simvoliki, nie vykrykvaŭ łozunhaŭ, nie vystupaŭ, nijakim čynam nie parušaŭ hramadskaha paradku, ale faktyčna za samu prysutnaść na Dni pamiaci ŭ Śvisłačy sudździa Vaŭkavyskaha rajonnaha suda Juryj Jakimovič pakaraŭ jaho štrafam», — paviedamlajuć pravaabaroncy.

Za ŭdzieł u Dni pamiaci ŭ Śvisłačy pa Hrodzienskaj vobłaści ŭžo aštrafavana šeść čałaviek. Jašče dzieviać čałaviek čakajuć razhladu składzienych u dačynieńni da ich pratakołaŭ ab administracyjnym pravaparušeńni.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?