U Ńju-Jorku vystaŭlajuć vielmi jakasnyja padrobki adzieńnia. Chacia biełarusam navat nie treba imknucca jaje pabačyć: padrobki ŭ nas paŭsiul. Mo nie samyja jakasnyja, ale paŭsiul.
U muziei pry Fashion Institute of Technology prachodzić vystava, pryśviečanaja historyi padrobak. Ekspazicyja achoplivaje pieryjad ad Čarlza Uorta (Charles Frederick Worth), jaki ličycca pieršym kuciurje, da Brajana Lichtenbierha (Brian Lichtenberg), jaki vykarystaŭ łahatyp «Hermès» u svaich kalekcyjach — prosta dziela žartu.
Brajan Lichtenbierh, «Homiés», 2014, ZŠA.
Na vystavie «Padrobka heta: aryhinały, kopii i padrobki» možna pabačyć 100 ekspanataŭ.
A ŭsio pačałosia z Čarlza Frederyka Uorta, jaki adkryŭ ułasny modny dom u 1871 hodzie. A da 1914, pa padlikach arhanizataraŭ hetaj vystavy, było zroblena kala 2 miljonaŭ modnych padrobak.
Fota: @brittenydee.
Kuratary vystavy padkreślivajuć, što miaža pamiž praŭdzivym i padroblenym stanovicca ŭsio tančej i tančej z raspaŭsiudžvańniem tak zvanych «supier padrobak» — kopij, jakija moža vyjavić tolki ekśpiert.
