U niadzielu, 7 śniežnia, u haścioŭni na Čystaj, 26 adbudziecca prezientacyja śviežaha numara časopisa ARCHE «Zachodniaja Biełaruś. Mižvajenny pieryjad» z udziełam redaktaraŭ vydańnia Valera Bułhakava i Alesia Paškieviča. U ramkach imprezy adbudziecca pieršaja ŭ Biełarusi prezientacyja treciaha vydańnia słoŭnika Niekraševiča-Bajkova.
Novy numar «ARCHE» (№ 7—8 za 2014 hod), całkam pryśviečany roznym aśpiektam historyi Zachodniaj Biełarusi ŭ 1921—1939 hh., kali hetaja terytoryja ŭvachodziła ŭ skład Polščy.
Zachodniebiełaruskaja spadčyna — heta šmat ŭ čym «niazručnaje minułaje». Jano było takim u saviecki čas, a z peŭnymi źmienami dy madyfikacyjami zastajecca i ciapier. Naturalna, dziakujučy vysiłkam akademičnaj supolnaści, asabliva za apošnija 25 hadoŭ, było šmat zroblena dla lepšaha razumieńnia i asensavańnia jak mižvajennaha pieryjadu dy vieraśnioŭskich padziej, tak i asablivaściaŭ dy miesca Zachodniaj Biełarusi ŭ paślavajennaj BSSR. Šmat «biełych plamaŭ», adnak, zastajecca i siońnia.
POŬNY ŹMIEST NUMARA DASTUPNY TUT.
Novaje vydańnie «Rasijska-biełaruskaha słoŭnika» Ściapana Niekraševiča i Mikoły Bajkova hetym razam vyjšła ŭ cviordaj vokładcy.
Heta pieravydańnie najlepšaha i najpaŭniejšaha rasijska-biełaruskaha słoŭnika mižvajennaha času, pieršaje vydańnie jakoha źjaviłasia ŭ 1928 hodzie. Słoŭnik uklučaje bolš za 60 tysiač słoŭ i byŭ stvorany pavodle vybarki leksiki sa «Słovaria biełorusskoho nariečiia» Ivana Nasoviča, «Smolenskoho obłastnoho słovaria» Uładzimira Dabravolskaha, «Biełaruska-polska-ruskaha słoŭnika» Jazepa Cichinskaha, «Viciebskaha krajovaha słoŭnika», «Praktyčnaha vajskovaha słoŭnika», rukapisnych słoŭnikaŭ Paŭła Špileŭskaha i S. Miadźviedskaha, a taksama z vybranych litaraturnych tvoraŭ i narodnaj movy. Aŭtary imknulisia ŭchilacca ad štučnych novatvoraŭ: pieravahu addavali słovam, jakija isnujuć u narodnaj i litaraturnaj movie.
POŬNY ŹMIEST KNIHI DASTUPNY TUT.
Pačatak prezientacyi a 17.00.
Daviedki pa telefonie +375 29 550 79 69.
