Na sajcie Nacyjanalnaha banka Biełarusi źjavilisia vyjavy maniety ź sieryi «Umacavańnie i abarona dziaržavy» z vyjavaj Kanstancina Astrožskaha. Kalekcyjnyja maniety byli ŭviedzienyja ŭ zvarot jašče 24 listapada. Adnak, pakolki ich adbivali na kazachskim manietnym dvary ŭ Uść-Kamienahorsku, realnaje źjaŭleńnie ŭ prodažy płanujecca na druhuju dekadu śniežnia.
Jak paviedamlała raniej NN, usiaho adbita piać tysiač maniet.
Dźvie tysiačy ź ich — sa srebra (spłaŭ 925) naminałam 20 rubloŭ. Astatnija zrobleny ź miedna-nikielevaha spłavu. Jany majuć mienšyja dyjamietr i naminał — 1 rubiel.
Na aviersie maniety źmieščany dziaržaŭny hierb Biełarusi, naminał maniety, a taksama vyjavy pierhamienta ź piačatkaj i bułavy — simvała hietmanskaj ułady. Reviers azdobleny partretam Kanstancina Astrožskaha i familnym hierbam.
Srebranaja manieta z Astrožskim budzie kaštavać kala 325 tysiač, a miedna-nikielevaja — da 10 tysiač rubloŭ.
Simvalična, što maniety z hietmanam źjaŭlajucca ŭ jubilejny hod Aršanskaj bitvy — 500 hadoŭ tamu, 8 vieraśnia 1514, vojska VKŁ pad zahadam hietmana Astrožskaha raźbiła ŭtraja bolšyja pałki maskoŭskich zachopnikaŭ.
