Miedyki z vajskovaha špitala Walter Reed vyjavili, što pryčyna bolaŭ u tym, što źmieściva straŭnika padnimajecca ŭ stravavod i razdražniaje jaho. U vyniku ŭźnikaje piakotka, kisłaja adryžka, bol u hrudzinie, kašal, zapaleńni horła.
Taki stan nazyvajecca hastraezafahiealnaj refluksnaj chvarobaj, abo «kisłym refluksam».
Jaho spryčyniajuć parušeńni funkcyjanavańnia straŭnika i stravavoda. Spryjajuć chvarobie stresy, kureńnie, ałkahol, a taksama pryjom dafamin-preparataŭ.
Zvyčajna dla lačeńnia chvaroby rekamiendujuć źmianić ład žyćcia. Jeści lepš maleńkimi porcyjami. Spać — na łožku, dzie hałava ŭźniataja. Nielha nasić ciesnyja ramiani. Lišniaja vaha taksama maje niehatyŭny ŭpłyŭ, ale ž Abama amal nie maje lišnich kiłahramaŭ. Zatoje jon doŭhi čas kuryŭ. Taksama prapisvajucca niekatoryja tabletki.
Infarmacyja pra zdaroŭje prezidenta ŭ ZŠA adkrytaja. Ličycca, što heta važna dla nacyi. Raz na hod jon prachodzić poŭnaje dyjahnastyčnaje abśledavańnie.
