Siabry Biełaruskaj Chryścijanskaj Demakratyi naviedali maci źniavolenaha aktyvista BCHD Jaŭhiena Vaśkoviča ŭ Babrujsku Rušaniju Ivanaŭnu.
Joj pieradali ciopłyja rečy, hihijeničnyja srodki i kancylarskija pryłady dla syna, paviedamlaje sajt BCHD.
Maci palitviaźnia pieradavała pryvitańnie i słovy padziaki ŭsim, chto chvalujecca za jaje syna, piša jamu listu i achviaruje hrošy dla jaho, paviedamiŭ kaardynatar arhkamitetu BCHD pa Minščynie Pavał Prakapovič.
U lutym Vaśkoviču spoŭnicca 25 hadoŭ. Za sprobu padpału ŭ noč na 17 kastryčnika 2010 hoda budynka KDB u Babrujsku, u jakoje byli kinutyja butelki z zapalnaj sumieśsiu, Vaśkovič razam z Arciomam Prakapienkam i Paŭłam Syramałotavym 18 maja 2011 hoda byŭ asudžany pa č. 2 art. 339 (złosnaje chulihanstva) i č. 3 art. 218 (naŭmysnaje źniščeńnie ci paškodžańnie majomaści ŭ asabliva bujnych pamierach) KK na siem hadoŭ pazbaŭleńnia voli z adbyvańniem pakarańnia ŭ kałonii ŭzmocnienaha režymu.
Pravaabaroncy zaznačajuć, što ŭ dziejańniach chłopcaŭ bačacca prykmiety pravaparušeńnia, ale sud niespraviadliva kvalifikavaŭ ich dziejańni i vynies praźmiernaje pakarańnie.
