Fota AP.
Fota REUTERS.
Fota AP.
Ułady Mieksiki zajaŭlajuć, što identyfikavali astanki adnaho z 43 źnikłych studentaŭ.
Astanki byli znojdzienyja na śmieccievaj zvałcy ŭ štacie Hierera. Imia studenta, čyje astanki byli identyfikavanyja, — Alaksandr Mora.
26 vieraśnia hetaha hoda ŭ horadzie Ihuała źnikli 43 studenty. Jany ŭdzielničali ŭ demanstracyi, jakaja skončyłasia sutyknieńniem z palicyjaj. Śviedki paviedamili, što studentaŭ tady pavieźli na palicejskich mašynach.
Mer Ihuały byŭ aryštavany fiederalnaj palicyjaj u suviazi z padazreńniem u arhanizacyi vykradańnia. Jaho zatrymali ŭ pryharadzie Miechika pry sprobie schavacca ad pravasudździa.
U listapadzie padazravanyja, zatrymanyja pa hetaj spravie, pryznalisia ŭ zabojstvie bolš jak 40 maładych ludziej, paviedamiŭ hienieralny prakuror Mieksiki Chiesus Muryljo Karam.
Pa adnoj ź viersij, 43 studenty byli aryštavanyja palicyjaj 26 vieraśnia. Potym palicyja pieradała aryštavanych maładych ludziej lidaram miascovych band. Paźniej stała viadoma, što studenty byli zabityja i spalenyja členami narkakartela «Hiereras Unidas». Na dopytach palicejskija śćviardžali, što napad na maładych ludziej «zamoviŭ» niezadavoleny ich aktyŭnaściu mer horada Ihuała.
Štat Hierera ličycca adstałym rehijonam Mieksiki. Tam — adzin z samych vysokich uzroŭniaŭ zabojstvaŭ pa krainie — 77 na 100 tysiač žycharoŭ.
