U Nienieckaj aŭtanomnaj akruzie (NAA) na poŭnačy Rasii ŭpaŭ viertalot Mi-8.
Fota TASS.
«U 13:28 ad dyśpietčara aeraporta ŭ Narjan-Mare pastupiła paviedamleńnie pra padzieńnie viertalota pry ŭźlocie pablizu naftavaha radovišča imia Trebsa na adlehłaści 240 km ad Narjan-Mara»,— paviedamili ŭ rehijanalnym centry MNS RF.
«Pavodle ŭdakładnienych dadzienych, na borcie viertalota znachodzilisia siem čałaviek (raniej paviedamlałasia pra šaściarych) — try členy ekipaža i čatyry pasažyra. U vyniku zdareńnia zahinuli bortpravadnik i adzin z pasažyraŭ», — paviedamili «Interfaksu» ŭ rehijanalnym Upraŭleńni MUS.
«Na miesca padzieńnia prybyli 2 ŭsiudychody, paciarpiełyja buduć dastaŭlenyja na viertalotnuju placoŭku radovišča imia Trebsa-Citova NAA, adkul viertalotam Mi-8 buduć dastaŭlenyja ŭ horad Narjan-Mar», — skazali ŭ MNS.
«Stan piaci paciarpiełych u avijakatastrofie aceńvajecca, jak ciažki, —
zajaviŭ namieśnik hałoŭnaha ŭrača Nienieckaj akruhovaj balnicy Siarhiej Hmyzin. — Ludzi, jakija znachodzilisia na borcie viertalota atrymali čerapna-mazhavyja traŭmy, pierałomy hrudnoj kletki i kaniečnaściaŭ».
Pavodle papiarednich dadzienych, viertalot naležaŭ avijakampanii «Druhi archanhielski avijaatrad».
