U samaabvieščanaj «Danieckaj narodnaj respublicy» nastojvajuć na tym, kab čarhovaja minskaja sustreča pa ŭrehulavańni situacyi na Danbasie prajšła nie raniej za 12 śniežnia. Ab hetym 7 śniežnia zajaviŭ pastajanny pradstaŭnik DNR ŭ minskaj kantaktnaj hrupie Dzianis Pušylin.
«My nastojvajem na dacie pieramovaŭ nie raniej 12-ha (śniežnia), 9-je kateharyčna nie padychodzić.
Nazapasiłasia mnostva pytańniaŭ, jakija patrabujuć ŭzhadnieńnia z kiraŭnictvam, jany patrabujuć prapracoŭki, inakš jany paprostu nie buduć vyrašanyja», — skazaŭ žurnalistam Pušylin.
Raniej aficyjny pradstaŭnik Savieta nacbiaśpieki i abarony Ukrainy Andrej Łysienka zajaviŭ, što sustreča kantaktnaj hrupy pa ŭrehulavańni na Danbasie papiarednie pryznačanaja na 9 śniežnia ŭ Minsku.
Kiraŭnik samaabvieščanaj «Łuhanskaj narodnaj respubliki» (ŁNR) Ihar Płatnicki na pasiedžeńni ŭrada ŁNR 6 śniežnia taksama zajaviŭ, što pahadnieńnie ab pieramirji z ukrainskimi ŭładami budzie padpisanaje 9 śniežnia, paśla čaho pačniecca «etap cišyni».