Z hałoŭnych novaŭviadzieńniaŭ — zaraz u mietro nielha znachodzicca ŭ navušnikach i z radyjoprymačom. Bosymi ŭ mietrapaliten i tak nichto, zdajecca, nie chadziŭ.
Pasažyram mietro taksama zabaraniajecca «biehać pa prystupkach leśvičnych spuskaŭ i płatformach». Ale chadzić pa eskałatarach nie zabaraniajecca.
Pasažyram zabaraniajecca parušać spakoj inšych ludziej: naprykład, ihrać na muzyčnych instrumientach, jeździć pa stancyi na rovarach, rolikavych kańkach i inšych padobnych srodkach (za vyklučeńniem invalidnaj kalaski).
Asobny punkt u praviłach mietrapalitena ciapier pryśviečany nadhladu pasažyraŭ. Pry admovie dać bahaž dla nadhladu pasažyra majuć prava nie puścić u mietro. Apošniaje novaŭviadzieńnie źviazana ź pilnaściu paśla terakta ŭ minskim mietro ŭ 2011 hodzie.
