Amierykanski časopis Time padvioŭ vyniki štohadovaj naminacyi «Asoba hoda». Pieramožcam byli pryznanyja miedycynskija supracoŭniki, jakija zmahajucca z trapičnaj lichamankaj Eboła ŭ Zachodniaj Afrycy.
Epidemija lichamanki Eboła, što raspačałasia ŭ kancy 2013 hoda ŭ Libieryi, Śjera-Leone i Hviniei, stała samaj bujnoj u śviecie. Ad epidemii nadzvyčaj śmiarotnaj lichamanki ŭžo zahinuła amal 7 tysiačaŭ čałaviek. Adzinočnyja vypadki zaražeńnia byli zafiksavanyja ŭ Ispanii i ZŠA.
Na zvańnie asoby hoda Time u hetym hodzie pretendavali 50 čałaviek, hramadskich ruchaŭ ci sacyjalnych źjaŭ. Siarod ich była i sioletni nobieleŭski łaŭreat Nobieleŭskaj premii miru Małała Jusafzaj, pratestujučyja z amierykanskaha Fierhiusana, achviara chakieraŭ Dženifier Łoŭrens, vykradzienyja radykalnymi isłamistami vučanicy nihieryjskaj škoły ŭ Čybaku, prezidenty Abama, Pucin, Asad.
Asoba hoda vyznačajecca časopisam Time z 1927 hoda i źjaŭlajecca hałoŭnaj temaj śniežańskaha vypuska časopisa. U roznyja hady asobami hoda pa viersii Time pryznavalisia Adolf Hitler, Iosif Stalin, Machatma Handzi, karaleva Jelizavieta II, Uładzimir Pucin, Barak Abama. U minułym hodzie asobaj hoda Time staŭ Papa Francišak.
