Premii atrymali:
Aleś Bialacki za knihu «Irtutnaje srebra žyćcia», u jakoj jon pieradaje listy z razvažańniami pra toje, što było zvykłym dla pravaabaroncy da źniavoleńnia. Kniha napisanaja na asnovie sapraŭdnych listoŭ, što pisaŭ Bialacki z kałonii ŭ 2012-2013 hadach, kudy trapiŭ pa abvinavačańni ŭ niaspłacie padatkaŭ.
Źmicier Daškievič za zbornik apaviadańniaŭ «Čarviak», dzie raspaviadaje pra žyćcio ŭ kałonijach, dzie Daškievič adbyvaŭ pakarańnie. Bolšaja častka tekstaŭ napisanaja z 2011 pa 2013 hady, kali Daškievič adbyvaŭ pakarańnie za «asabliva złosnaje chulihanstva», a paśla — za «złosnaje niepadparadkavańnie patrabavańniam administracyi papraŭčaj ustanovy».
Fieliks Piekier za raman «Diesiať let i odin dień Ihoria Savčienko», u jakim raspaviadaje pra čałavieka, jaki adbyvaje ŭ nienazvanaj krainie pakarańnie za zabojstva damahajecca pierahladu spravy, jakuju na jaho «paviesili». Kniha pisałasia paŭtara hady ŭ SIZA i kałonii: były kiraŭnik vinzavodu BST Ltd prasiadzieŭ u Rasii i Biełarusi 4 hady pa abvinavačańni ŭ kradziažy šlacham złoŭžyvańnia słužbovymi paŭnamoctvami.
Pavieł Sieviaryniec za zbornik ese «Biełaruskaja hłybinia», jakimi palityk dzialiŭsia paśla piaci miesiacaŭ u SIZA KDB, padčas prybyvańnia ŭ Kuplinskaj śpieckamiendatury №7 za «arhanizacyju i padrychtoŭku dziejańniaŭ, jakija hruba parušajuć hramadski paradak».
Alaksandr Fiaduta za apovieść «Moj maleńkij Pariž», u jakoj aŭtar pryhadvaje Hrodna časoŭ svajho dziacinstva i maładości, haradskoj budzionnaści 60-80-ch hadoŭ. Častki knihi Fiaduta napisaŭ u śledčym izalatary KDB – jamu byli pradjaŭlenyja spačatku abvinavačańni pa spravie ab «masavych biesparadkach» padčas prezidenskich vybaraŭ 2010 hoda.
Iryna Chalip za knihu «Dziońnik zečki», jakaja naminavałasia na premiju Alachnoviča jašče ŭ 2013 hodzie ŭ vyhladzie rukapisu. U knizie Chalip raspaviadaje ab svaim znachodžańni ŭ turmie KDB i chatnim aryšcie paśla prezidenckich vybaraŭ 2010 hoda.
Hanarovyja dypłomy taksama atrymali Alaksandr Bud-Husaim i Nasta Azarka.
Na cyrymonii taksama adbyłasia prezientacyja albomu turemnaha šansonu ŭ vykanańni Źmitra Vajciuškieviča.
Łaŭreatami premii ŭ minułym hodzie stali Anatol Labiedźka, Aleś Bialacki, Jury Bandažeŭski, Pavieł Sieviaryniec i Aleś Kirkievič. Hałoŭnaja ŭznaharoda dastałasia Iharu Alinieviču.
***
Francišak Alachnovič — aŭtar knihi «U kapciuroch HPU» (1937), pieršaha ŭ śviecie tvoru, jaki apisvaje žyćcio ŭ stalinskim kancentracyjnym łahiery z pohladu aryštanta.
