Mer Paryža An Idalha choča ŭvieści zabaronu na transpartnyja srodki z dyzielnymi ruchavikami; anałahičnyja płany isnujuć taksama ŭ Bielhii.
Pavodle prajekta, ujezd mašyn z dyzielnymi ruchavikami ŭ centr francuzskaj stalicy pastupova budzie abmiežavany. Dadzieny prajekt — častka vialikaha płana ačyščeńnia centra Paryža ad transpartnych srodkaŭ — za vyklučeńniem rovaraŭ, aŭtobusaŭ, taksi i aŭtamabilaŭ žycharoŭ dadzienych kvartałaŭ, a taksama transpartu miedrabotnikaŭ i śpiectranspartu.
Padobnyja płany isnujuć taksama ŭ Bielhii: da pačatku 2016 hoda Antvierpien choča zabaranić vykarystańnie ŭ horadzie starych dyzielnych (da 2006) i starych bienzinavych aŭtamabilaŭ (da 1992). Miarkujučy pa ŭsim, inšyja fłamandskija harady pojduć hetym ža šlacham.
Zrazumieła, z padobnymi płanami zhodnyja nie ŭsie. Aŭtamabilnaja fiederacyja FEBIAC u debatach adnosna zabarony dyzielnych transpartnych srodkaŭ źviartaje ŭvahu na ŭsio bolš i bolš strohija ekałahičnyja normy dla sučasnych dyzielnych aŭtamabilaŭ. Na dumku fiederacyi, na siońnia vykid ćviordych čaścic u dyzielnaj mašyny supastaŭny ź bienzinavymi. Akramia taho, technałohii filtraŭ značna źmianilisia i ŭdaskanalilisia za apošnija hady. Bolš za toje, dyzielny ruchavik maje pieravahu nad bienzinavym pa vykidach CO2, jakija ŭ dyzielnych ruchavikoŭ nižejšyja prykładna na 15—20%.
A što vy dumajecie pra heta? Dyzielnym aŭtamabilam nie miesca ŭ haradach?
