Žest rasiejska-aŭstryjskaj opiernaj śpiavački Hanny Niatrebka ŭ vyhladzie achviaravańnia 1 miljona rubloŭ na «mastactva DNR» i paziravańnie z Carovym vyklikała niehatyŭnuju reakcyju ŭ Aŭstryi.
Aŭstryjski MZS asudziŭ fatahrafavańnie śpiavački z «uładami» i ściaham tak zvanaj «Navarosii» i zajaviŭ, što jano źjaŭlajecca «prablematyčnym» i vidavočna budzie vykarystana ŭ prapahandysckich metach.
Akramia taho, avijakampanija Austrian Airlines, rekłamnym tvaram jakoj źjaŭlajecca śpiavačka, nie maje namieru praciahvać kantrakt, jaki skončyŭsia ŭ listapadzie.
Sama Niatrebka na svajoj staroncy ŭ Facebook napisała, što achviaravańnie hrošaj dla «Danbas Opiera» nie źjaŭlajecca palityčnym aktam: «Ja prosta chaču, kab bajavyja dziejańni skončylisia jak maha chutčej i chaču padtrymać mastactva i artystaŭ padčas žudasnaha kanfliktu». Pry hetym ček na 1 miljon rubloŭ byŭ pieradadzieny ŭ ruki eks-deputata Viarchoŭnaj Rady Ukrainy Aleha Carova.
Pa słovach Niatrebka, Caroŭ «byŭ pradstaŭleny» joj jak adziny čałaviek, jaki moža zabiaśpiečyć biaśpiečnuju dastaŭku srodkaŭ opiernamu teatru ŭ Daniecku. A źjaŭleńnie ściaha było «niezapłanavanym»: «Ja navat nie paznała jaho i zrazumieła tolki paźniej, što heta takoje».
Aŭstryjskija ŚMI pišuć, što Niatrebka «sprabuje pradstavić siabie palityčna naiŭnaj».
