Pryncesa Sryraśmi, žonka spadčyńnika karaleŭskaha trona ŭ Tajłandzie prynca Machi Vadčyrałanhkorna, dobraachvotna admoviłasia ad karaleŭskaha tytuła.
Pres-słužba karaleŭskaj siamji ničoha nie paviedamlaje ab matyvach hetaha rašeńnia.
Heta adbyłosia paśla aryštu siami svajakoŭ pryncesy pa abvinavačvańni ŭ karupcyi.
U listapadzie prync pazbaviŭ svajakoŭ pryncesy prava być členami karaleŭskaj siamji — z-za padazreńniaŭ u karupcyi i datyčnaści da złačynnych hrupovak, jakija zajmajucca ihralnym biźniesam i kantrabandaj.
Sryraśmi — treciaja pa liku žonka naślednaha prynca. U pary, jakaja prabrałasia šlubam u 2001 hodzie, jość syn.
U miascovaj presie raniej paviedamlałasia, što maładyja ludzi, mahčyma, nie žyvuć razam, i robiacca zdahadki, što heta čarhovy krok na šlachu da razvodu.
U prynca siem dziaciej ad troch šlubaŭ, tolki troje ź ich majuć karaleŭski tytuł.
Mnohija paddanyja Tajłanda padazravali, što pryncesa trapiła ŭ niałasku, ale nie mahli pra heta havaryć adkryta z-za strohich zakonaŭ, jakija zabaraniajuć abmiarkoŭvać spravy karaleŭskaj siamji.
Pałacavyja intryhi adbyvajucca ŭ tryvožny dla Tajłanda čas. Naśledny prync Macha Vačyrałanhkorn rychtujecca pryniać styrno praŭleńnia ŭ svajho baćki — ušanavanaha, ale słaboha zdaroŭjem karala Pchumipona, jaki kiruje krainaj z 1946 hoda.
U kastryčniku 87-hadovy Pchumipon, jakoha šmat chto nazyvaje baćkam-abjadnalnikam nacyi, loh u balnicu, dzie pieranios apieracyju na žoŭcievym puzyry.
