Ministerstva achovy zdaroŭja Biełarusi patrabuje ad handlovych abjektaŭ nie pavyšać ceny na lekavyja srodki i vyraby miedpryznačeńnia.
«Ministerstva achovy zdaroŭja daručaje pryniać vyčarpalnyja miery pa niedapuščeńni rostu adpusknych i roźničnych cen na lekavyja srodki, vybary miedycynskaha pryznačeńnia i inšyja spažyvieckija tavary», — havorycca ŭ paviedamleńni viedamstva. Terminy dziejańnia hetaha patrabavańnia nie ŭkazvajucca.
Takoje rašeńnie pryniata «z metaj vykanańnia daručeńnia kiraŭnika dziaržavy i ŭrada, z ulikam pryniataha ŭkaza prezidenta Respubliki Biełaruś ad 5 śniežnia 2014 hoda № 567 «Ab dadatkovych mierach pa abaronie pravoŭ spažyŭcoŭ».
Pry hetym Ministerstva achovy zdaroŭja źviartaje ŭvahu, što «ŭ vypadku vyjaŭleńnia parušeńniaŭ zakanadaŭstva ab farmaceŭtyčnaj dziejnaści, a taksama ab cenaŭtvareńni i zavyšeńnia cen ministerstvam buduć prymajucca samyja žorstkija miery, až da zakryćcia handlovych abjektaŭ».
Nahadajem, raniej Ministerstva handlu abjaviła maratoryj na rost cen dla handlovych pradpryjemstvaŭ i vytvorcaŭ da 15 studzienia 2015 hoda.
