Internet-hihant Google paćvierdziŭ, što vyviedzie z Rasii svaje inžynierna-techničnyja słužby, ale nie raskryŭ pryčyn takoha rašeńnia.
«My vielmi cenim našych karystalnikaŭ i klijentaŭ u Rasii, i naša rasijskaja kamanda znachodzicca tut, kab pracavać dla ich», — havorycca ŭ paviedamleńni aficyjnaha pradstaŭnika kampanii ŭ Rasii Śviatłany Anuravaj.
Krynica ŭ Google raspaviała, što pieravod inžynieraŭ u inšyja ofisy nie unikalnaja źjava, heta adbyvałasia ŭ Šviecyi, Finlandyi, Narviehii i ZŠA, dystancyjnaja raspracoŭka servisaŭ dla kankretnych krain — taksama standartnaja praktyka Google. Pavodle jaho słoŭ, Google praciahnie pavialičvać inviestycyi ŭ Rasiju i ŭ 2015 hodzie.
Krynica, znajomy ź mieniedžarami Google, kaža, što pieravod raspracoŭščykaŭ z Rasii adbyvajecca z-za ahulnaj situacyi, jakaja skłałasia ŭ krainie, u tym liku i z-za ŭsich pryniatych u halinie internetu zakonaŭ i ŭ cełym z-za pachaładańnia rasijska-amierykanskich adnosin. Ab zakryćci rasijskaha ofisa Google pakul havorki nie idzie. Tym bolš, što viadzieńnie apieracyj u Rasii patrabuje prysutnaści mnohich supracoŭnikaŭ u krainie. Tady jak raspracoŭščyki nie pryviazany da kankretnaj krainy, jany mohuć pracavać adkul zaŭhodna, i pieravieści ich z krainy značna lahčej.
Rašeńnie ab vyvadzie raspracoŭščykaŭ z Rasii było pryniata jašče ŭ kancy leta. Sami raspracoŭščyki daviedalisia pra heta ŭ pačatku hetaha tydnia: im dadziena dva miesiacy na rozdum — pierajechać abo zvolnicca.
