Kali raniej pulchnyja ščočki i žyvociki vyklikali ŭ babul-partyzanak honar dy zamiłavańnie, to sioniašniaje pakaleńnie maładych baćkoŭ pačynaje niepakoicca z nahody dziciačaha atłuścieńnia.
I choć pamiery katastrofy pakul nieparaŭnalnyja z tymi ž Złučanymi Štatami, ale dzieci ź lišniaj vahoj usio čaściej traplajucca nam na vulicach, u škołach i navat dziciačych sadkach. Zdavałasia b, prablemy vyrašajucca prosta: mienš treskać bułak i čaściej hulacca ź miačom albo biehać pa dvary ź siabrami. Ale navukoŭcy kapajuć hłybiej. Voś i papularny žart «lepiej pierajeści, čym niedaspać», akazvajecca, i nie žart zusim.
The Journal of Pediatrics publikuje daśledvańni prafiesarki Karen Bonak, jakija źviazvajuć parušeńni snu i padletkavaje atłuścieńnie.
Kali vašaje dzicia śpić mała, albo maje prablemy z dychańniem u śnie (chrap, apnoe) – jano moža sutyknucca z atłuścieńniem jašče va ŭzroście da 15 hod.
Praanalizavaŭšy ankiety baćkoŭ, daśledčyki ŭbačyli: dzieci, jakija mieli prablemy z dychańniem u śnie va ŭzroście 5-6 hod, udvaja čaściej pakutavali na atłuścieńnie ŭ padletkavym uzroście i mieli značna vyšejšuju ryzyku pa takich zachvorvańniach, jak dyjabiet. Takaja ž niebiaśpieka padścierahała dziaciej, jakija ŭ 5-6-hadovym uzroście značna niedasypali. Ale voś što cikava! Niedasypańnie ŭ starejšym uzroście takich katastrafičnych nastupstvaŭ nie mieła. Ale pry najaŭnaści abodvuch zhadanych faktaraŭ ryzyka atłuścieńnia značna padvyšałasia.
Daśledavańni pakazali, što na niedasypańnie pakutujuć ad 25 da 50 % daškolnikaŭ. Daktary kažuć pra nieabchodnaść padtrymlivać zvyčki zdarovaha snu, padkreślivajuć istotnaść lačeńnia albo apieratyŭnaha vydaleńnia adenoidaŭ. A baćkam varta kłapacicca nie tolki pra jakasnaje charčavańnie dy aktyŭnaje baŭleńnie času, ale i pra režym dnia daškolnikaŭ dy małodšych školnikaŭ, kab potym nie mieć pierad saboj zamiest niemaŭlatki-kałabočka niaščasnaha atłuściełaha padletka z proćmaj kompleksaŭ i pierśpiektyvaj cełaha bukieta chraničnych chvarob.
