Na hetym tydni zimy pa-raniejšamu nie budzie, zaznačyŭ načalnik słužby hidramietearałahičnych prahnozaŭ Respublikanskaha hidramieteacentra Dźmitryj Rabaŭ padčas videabryfinhu 15 śniežnia. 

«Nadvorjem budzie kiravać Atłantyka i pastaŭlać nie pa siezonie ciopłyja i vilhotnyja masy pavietra ŭ Biełaruś, jakija ŭtrymajuć tempieraturny režym vyšejšym za normu na 3—8 hradusaŭ», — skazaŭ sinoptyk. 

U aŭtorak u mnohich rajonach nievialikija apadki (doždž, mokry śnieh). Na bolšaj častcy terytoryi tuman. Nočču i ranicaj na asobnych učastkach daroh hałalodzica. Tempieratura pavietra nočču minus 1 — plus 4°S, dniom plus 1—6°S. 

U sieradu nočču i ranicaj na bolšaj častcy terytoryi, dniom miescami karotkačasovyja apadki (doždž, mokry śnieh). Nočču i ranicaj u asobnych rajonach tuman, słaby hałalod, na darohach hałalodzica. Tempieratura pavietra nočču minus 2 — plus 3°S, dniom 0 — plus 5°S. 

«U druhoj pałovie tydnia cieraz našu krainu na vialikich chutkaściach buduć zrušvacca atmaśfiernyja franty, i da ciapła i apadkaŭ dabavicca jašče i paryvisty viecier», — paviedamiŭ Rabaŭ. 

U čaćvier nočču pa paŭnočna-zachodniaj pałovie, ranicaj i dniom na bolšaj častcy terytoryi krainy karotkačasovyja apadki (mokry śnieh, jaki budzie pierachodzić u doždž). Miescami słaby hałalod, na darohach hałalodzica. Pa paŭnočna-zachodniaj pałovie miescami ŭzmacnieńnie vietru paryvami da 15—18 m/s. Tempieratura pavietra nočču minus 4 — plus 2°S, dniom plus 1—6°S. 

Samym ciopłym dniom čakajecca piatnica: tempieratura pavietra nočču 0 — plus 5°S, dniom plus 2—9°S, ale pry hetym na bolšaj častcy terytoryi čakajucca daždžy. Miescami budzie ŭzmacniacca viecier paryvami da 15—18 m/s. 

U vychadnyja dni zachavajecca anamalnaje ciopłaje, syroje i vietranaje nadvorje: u subotu časam apadki, u asnoŭnym doždž. U asobnych rajonach uzmacnieńnie vietru paryvami da 15—18 m/s. Tempieratura pavietra na praciahu sutak 0 — plus 5°S, dniom pa poŭdni miescami da plus 7°S. 

U niadzielu časam apadki (mokry śnieh, doždž). Miescami słaby hałalod, na darohach hałalodzica. Tempieratura pavietra na praciahu sutak ad minus 3 da plus 3°S.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?